il ont grant abundance de toutes couses de vivre

"CXXIX — Ci devise de la provence de Aniu.

Aniu est une provence ver levant, que sunt au grant kaan. Il sunt ydules. Il vivent de bestiames et dou profit de la tere. Il ont langajes pour elz. Les dames portent as jambes et es braces braciaus d'or et d'arjent de grandisme vaillance; et les homes les portent ausi et meillors que les dames et plus [chiers]. Il ont chevaus asez et buens et le vendent grandisme quantité a les yndiens, que en font grant mercandie. Il ont encore trop grant abondance de bufal e de buef e de vaches, por ce que trop est buen leus e de de bone pasture. Il ont grant abundance de toutes couses de vivre. Et sachiés que de coste Aniu jusque a Gangigu que derer est a xv jornee, et [de] Cangigu a Bangala, qui est tierce provence en deriere, a xxx jornee.

Or nos partiron de Aniu et aleron a une autre provence que a a nom Toloman, qui est logne de ceste bien viii jornee ver levant."

Marco Polo: Il Milione
Leo S. Olscki editore, Firenze - 1928
prima edizione integrale a cura di Luigi Foscolo Benedetto
opera stampata in 600 esemplari numerati
esemplare n. 258
pag. 126

catalogazione: una delle librerie in soggiorno