polenta, ma a casa soa!

"Pasqualino: El paron me voria maridar.

Menego: Via, sporco! Maridarte! Come! Con che fondamento? Co la protezion del paron? Sì ben, ghe ne xe tanti e tanti che se marida co la dota de la protezion, ma po cossa succede? El protetor se stuffa; la dota va in fumo; la muggier la xe mal usada, e el mario patisse el dolor de testa. Tra de nu no se fa sta sorte de matrimoni. Le nostre muggier le xe poverete, ma da ben; polenta, ma a casa soa; sfadigarse, ma viver con reputazion; portar la bareta rossa, ma col fronte scoverto, senza che gnente ne fazza ombra. Abbi giudizio: no far che te senta mai più a dirme che ti te vol maridar. Parechiete a montar in pope d'una gondola o d'un batelo, o a rampegarte su le scale de corda a piantar la bandiera sul papafigo (parte).

Pasqualino: Che vol dire, in bon venezian, andar per mozzo su una nave. Pazienza."

Carlo Goldoni: Commedie (4 volumi)
1° volume
Giulio Einaudi editore, Torino - 1952
a cura di Elio Vittorini
pag. 323

catalogazione: libreria di fianco al divano